Gipuzkoako Giza-proba Txapelketako bigarren jardunaldia jokatuko da bihar, 12.00etan, Urretxun. Oraingoan, bigarren multzoko taldeak neurtuko dira, eta Debako Tarinak, Urola eta Berrobi izango dira lanean arituko diren taldeak.

970 kiloko harria izango dute tiraka ibiltzeko, eta bakoitzak 20 minutuko saio bat izango du lanerako. Beste multzoko lehen jardunaldian emozioa gainezka izan zen, eta amaieran metro gutxi batzuek erabaki zuten dema. Biharkoan ere gauzak estu ikusten dira, nahiz eta arituko diren hiru taldeen artean Berrobi den eskarmenturik handiena duena, baina horrek ez dio irabazteko balioko.