Atzo Bilboko itsasadarrean flotatzen topatu zuten hilotza 47 urteko gizon basauritar batena da, Lakuako Segurtasun Sailak jakinarazi zuenez. Urtarrilaren 2an desagertu zen Nerbioi ibaia, itsasadar bihurtu aurretik, pasatzen den herrian. 17.00etan identifikatu zuten bere gorpua. 11.20ean herritar batek abisua eman ondotik, suhiltzaile, ertzain, udaltzain eta osasun langileak bertaratu ziren Bizkaiko hiriburuko Zubi Zuri zubiaren parean zegoen gorpua erreskatatzeko.