Roman Maiz «Okelar» bertsolari mutrikuarra atzo hil zen 87 urterekin. 1928an jaioa, izen bera zeraman baserrian bizi izan zen. Bere saio gehienak sagardotegi eta elkarteetan egin zituen, askotan Jon Azpillagarekin, baina baita ere Patxi Etxeberria, Jon Mugartegi, Nikolas Zendoia eta beste hainbatekin. 2012an bere bertsogintzari buruzko liburua argitaratu zen eta lanaren sarreran horrela zioen Pello Esnalek: «Bertsolari maitagarria bada, horixe da Roman Maiz Okelar bertsolaria. Eta norbaiten bertsoek plazaratzea merezi badute Okelarren bertsoek merezi dute».