Bilbao Basketek sare sozialetan zabaldu berri du Alex Mumbruk taldean jarraituko duela datorren denboraldian. Bederatzi urteotan, Endesa Ligako 282, Kopako 6, Superkopako 4, Euroligako 20, Eurocupeko 71 eta Eurocupeko aurreko faseko 2 partida jokatu ditu taldeko kapitainak.
Mumbruk 38 urte bete berri ditu, eta Bilbao Basketekin Endesa Ligan partida gehien jokatu dituen jokalaria da. Aldi berean puntu eta hiruko gehien sartu, errebote gehien eskuratu eta baloi gehien lapurtu dituen jokalaria da. Gainera, jokalari baloratuena da, talde bilbotarrak bere webgunean gogoratu duenez. Taldeko kapitaina ere da jokalari kataluniarra.
Azken denboraldian, Endesa Ligako 32 neurketata, partidako 12.8 puntuko eta 4.1 erreboteko batez bestekoak izan zituen, eta Eurocupen, aldiz, 10.3 puntu eta 1.5 errebotekoak.
Zazpi fitxaketa
Bilbao Basketek zazpi fitxaketa ezagutarazi ditu azken asteetan Mumbruk kontratua berritu aurretik. Vucetic pivot serbiarra, Fischer brasildarra, Tim Kempton eta Jameel McKay estatubatuarrak, Lucio Redivo argentinarra, Pere Tomás eta Shane Hammik.
Beraiekin batera ondorengo jokalariek osatuko dute taldea: Jonathan Tabu, Javi Salgado, Dejan Todorovic, Axel Hervelle eta Borja Mendia.
Oihu bat Palestinara jaialdia, martxoaren 21ean Durangon, «ondorio errepresiboei» aurre egiteko
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
