Ez batek eta ez bik, 12.000 beira puztuzko burbuilak osatzen dute Javier Perez artista bilbotarraren ‘‘Un pedazo de cielo cristalizado’’ obra, Artium museoko sarreran dagoen artelan ikusgarria. 2002. urteko Veneziako Bienalean aurkeztu zuen artista bilbotarrak obra hau, hiriari egindako gorazarre gisa, artistaren arabera haren irudi «enigmatiko eta hauskorra» islatzen baitu, eta handik Gasteizko museoaren zerura iritsi zen, bisitariei ongietorria egiteko. 12.000 piezak banaka aztertu, garbitu eta berritu ostean, zeregin hori betetzera dator berriro ere obra.