Vishnu Handiaren eskultura, khmer artearen adierazle ezagunena, Kanbodiako Museo Nazionaleko maisulanik preziatuenetakoa da. XI. mendeko pieza hau 1936an aurkitu zuten Angkorren eta denboraren poderioz noizbait izan zituen urreztadura eta polikromia galdu zituen. Orain, teknologia puntakoenak lagun, Estatu frantsesean ari dira hura zaharberritzen, Nanteseko laborategi bateko adituen eskutik. Lanak amaituta, Parisen eta AEBn erakusketa banatan egongo da ikusgai, eta ondoren Phnom Penh-era itzuliko da, etxera.