Sanfermin jaietarako hilabete eskas gelditzen den honetan, hasi dira jada iruindarrak aurre prestaketa lanetan. Entzierroetan segurtasun neurri bezala erabiltzen diren hesiak jartzen hasi dira goizean zehar Garesko Aldatz Remiro enpresako arotzak.

Santo Domingoko ukuiluan hasi dira muntaketa lanekin, entzierroan zezenak irteten diren gunean hain zuzen. Pixkanaka, ibilbidea osatzen joango dira.

Hiru langile ibiliko dira Sanferminak bitarte hesien muntaketa lanetan. Jai egunak iristean, ordea, laurogei langile behar izaten dira eguneroko lanetarako.