Izaskun Arrue Kulturgunea. Hauxe izango da Alde Zaharrean eraikitzen ari diren Gasteiz Antzokiaren izena.
Hala iragarri du Gasteizko Udalak astelehen honetan bidalitako ohar batean. Bertan azaldu duenez, «Arrue Arabako lehen andereñoa izan zen, euskarazko irakaskuntzan murgildutako emakume bat eta hiriko lehen ikastolaren bultzatzaileetako bat».
«Keinu honen bidez, eskerrak eman nahi dizkiogu Izaskun Arrueri gasteiztarren belaunaldi berriei hizkuntza transmititzeko erakutsi duen konpromisoagatik eta egindako ahaleginagatik. Izaskun Arrue Kulturunea, ilusioz beteriko azpiegitura hau, euskararen pizgarri izango da Gasteizen», adierazi du Gorka Urtaran alkateak.
Izaskun Arrue Nafarroan jaio zen 1927an, eta 60ko hamarkadan iritsi zen Gasteizera. Zerkabarren kalean hasi zen eskolak ematen, bere etxean, Gasteiz Antzokitik ez oso urruti.
«Etxebizitza horretan hasi zen Gasteiz eta Araba euskalduntzen. Ondoren, Arrue Olabide ikastolaren proiektuaren bultzatzaile nagusienetakoa izan zen, Gasteizko eta Arabako lehen ikastola izan zena», nabarmendu du Udalak.
«Emakume aitzindaria izan zen, ausarta, eta erizaintzan ere aritu zen. Udalak 2016ko Euskararen Nazioarteko Egunean omendu zuen, hil eta gutxira», gaineratu du.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
