Webgunean argitaratutako ohar baten bitartez, maiztasuna murriztuko duela iragarri du ‘Elhuyar’ aldizkariak.
«Testuinguru ekonomiko zail honetan, non urriago gabiltzan baliabidez (salmenten eta diru-laguntzen jaitsiera), are premiazkoagoa zaigu ‘Elhuyar’ aldizkarian murrizketak egitea, Elhuyarren jarduerako beste arlo batzuetan bezala».
Era honetan, martxoko alearen ondotik, hiru hilez behin plazaratuko dute paperezko edizioa, hau da, ekainean, irailean eta abenduan kaleratuko dituzte hurrengo zenbakiak.
«Paperean ezin dena webgunearen eta sare sozialen bidez lantzeko asmoa» agertu du aldizkariaren zuzendari Eider Cartonek.
2 asmo: Paperean ezin dena Interneten lantzea Kopuruari eutsi ezinak kalitatean eraginik izan ez dezan lanean segitzea @elhuyaraldizk
— Eider Carton (@eidercarton) marzo 24, 2015
1986an sortu zen ‘Elhuyar’ aldizkaria zientzia eta teknologia euskaraz jendarteratzeko helburuarekin. Lehen hiru urteetan bi hilabeterik behin argitaratzen zuten, eta orduz geroztik hilabetero izan da kioskoetan. Garai berriei ere egokituta, proiektu digitala ere martxan dute, kultura zientifikoa webgunearen bidez hedatzeko.
Fermin Muguruzak 40 urteko ibilbidea berpiztuko du Bilbao Arenan eskainiko duen kontzertuan
Manuel Maqueda: «Una civilización inteligente no pondría su comida y bebida en plásticos»
«Edonork errekonozimendu bat egiten badit, zigortu egiten dute»
Abenduaren 21erako bigarren kontzertu bat iragarri du Muguruzak, lehenerako sarrerak agortuta
