Ezpalak taldeak ‘Berandu’ single aurkeztu du, taldeak berriki argitaratu duen ‘Gatza’ diskoaren zati den kantua. Diskoa, aldi berean, beraien zigilu propioa den Patana Recordsen baitan argitaratutako lehena da.
‘Berandu’ abestiak taldearen alde zaratatsua eta fuzz-zalea haien alderik emotibo eta melodikoenarekin konbinatzen du. «Rock alternatiboko abesti epikoa da, bidea egiten nola jarraitzen dugun hizpide duena, bide hori zailtasunez beteta egon arren», azaldu dute taldekideek.
Eñaut Gaztañaga Ezpalak taldeko kideak ekoiztu, nahastu eta masterizatu du abestia Gaztain Estudioetan (Zestoa). Bideoklip berria, berriz, Alain Martinezek (Holyfire Studio) egin du.
Ezpalak rock alternatiboa egiten duen Zestoako taldea da, 2019an sortua. Juanjo Berasain (ahotsa), Eñaut Gaztañaga (gitarra), Unai Eizagirre (baxua) eta Janardana Iglesias (bateria) dira Ezpalak taldea osatzen duten musikariak. Beraien deskribatzen dutenez, «fuzz gitarren, psikodelia eta noise ukituen, riff indartsuen punk pirrintak, eta zergatik ez, baita nolabaiteko pop malenkonia ere» egiten dute.
Lau disko argitaratu ditu orain arte Ezpalak taldeak. ‘Ezpalak’ (2019), ‘Kolpatu topatu’ (2021) ‘Hortz aina hots’ (2022) eta ‘Gatza’ (2024).
Iruñea Antitaurina: «Si la clave es merendar, que quiten los toros y pongan otra cosa»
«Decidieron matar a Germán con un objetivo político y otro social»
Homenaje a Germán Rodríguez con actuación sorpresa de Rozalén
Investigan insultos y un presunto intento de agresión al alcalde durante la procesión del 7
