Sarako Pleka trinketean jokatuko dira gaur Berezkoen Buruz Buruko Txapelketako beste bi kanporaketa, 17.00etan hasita. Astelehenean abiatu zen lehiaketa hau Donibane Garaziko Garatenean, eta gaur arratsaldean izango du jarraipena.

Aurreneko partidan, Agirre eta Amulet neurtuko dira. Norgehiagoka orekatua dirudi, bietako edozeinek irabazteko modukoa, eta dirua ere pare samarrean aterako da.

Hauek amaitu bezain azkar kantxaratuko dira Laurent Lanbert eta Monze. Partida honetarako Lanbert ateratzen da irabazteko faborito nagusi bezala, eta apustuak alde izango ditu.