Tarvision Munduko Eski Kopako jaitsiera proba irabazi ostean, Nicol Delago eskiatzaile italiarrak RAI telebista publikoaren ladinerazko kateari elkarrizketa eman dio. Eta galderei ladineraz erantzuteagatik, txapeldunak sare sozialetan kritikak eta irainak jasan behar izan ditu. RAI Ladiniaren eduki guztia hizkuntza horretan izatea ez da oztopo izan troll andana batek Italiako iparraldean hitz egiten den hizkuntza gutxitu horren kontrako gorrotoa erakusteko. Supremazismoa, han ere. Penagarria.