Bilgune Feministak espetxe martxa feminista egingo du otsailaren 11n. Valladolideko kartzelara abiatuko dira, ‘‘Libre ezin aske gara. Indar bat dabil hor’’ lemapean. Hamabost urte betetzen ditu aurten kolektiboak eta erronken artean gatazkaren konponbidean «feminismotik eragitea» du.

Valladoliden gaur egun emakumezko preso politiko bakarra egon arren (Nahikari Otaegi, hain zuzen ere), «emakume preso politiko guztiak barnean biltzen dituen dinamika bat» jarri dute martxan. Eta deialdi hau egiterakoan gogora ekarri dute, nola ez, Sara Majarenasen alabari asteburu honetan bere aitak egindako erasoa.