Euskal Estatu burujabearen eta Euskal Errepublikaren aldeko ekitaldiak antolatu ditu asteburu honetarako Independentistak sareak. Horrela, gaur Larrabetzun (20.00), bihar Villabonan (12.30) eta igandean Hernanin (12.30) egingo dira ekitaldiak. «Independentistak sarearen ustez, Euskal Estatua eratu eta Euskal Errepublika independentea aldarrikatzea gure etorkizuna eraikitzeko balio duen alternatiba bakarra da. Gure hautua oso garbia da, baina Euskal Estatuaren aldeko arrazoiak kalean zabaldu nahi ditugu», nabarmendu zuten.