Dagoeneko sarean eskuragarri dagoen Txikipediak atzo egin zuen aurkezpen ofiziala Huhezi-n. 8-12 urte arteko ikasleentzako bereziki moldatutako edukiak eskaintzea du helburu.

1.000 artikulurekin abiatu da. Haur eta gaztetxoentzat frantses Estatuan sortutako Vikidia proiektuan zegoen material osoa Wikipedian proiektu berri gisa txertatu dute, Txikipedia izenarekin. Bertan, Wikipedian bezala, edonork har dezake parte. «Irakasle zein pedagogoen laguntza izatea da helburua. Dei egiten diegu, horretarako ‘hezkuntza@wikimedia.eus’ helbidea erabiltzera», esan zuten atzo sustatzaileek.