Erkiaga eta Irastorza izango dira Goikoetxearen eta Ekhiren aurkariak gaur gauean (21.00) Donibane Lohizuneko Campos Berri pilotalekuan jokatuko den Nazioarteko Grand Slamaren finalean. Aritz Erkiagak eta Eric Irastorzak astearte gauean eskuratu zuten finalerako bigarren txartela, Diego Beaskoetxeari eta Imanol Lopezi 2-1 irabazita (7-15, 15-7 eta 5-3). Bikote bakoitzak joko banatan erakutsi zuen bere agintea, eta berdinketa hautsi zuen hirugarrenean epaileekin eztabaida egon zen. Beaskoetxeak eta Lopezek oso haserre amaitu zuten.