GARA
FUTBOLA

Euskal Herria Txapela, azken azterketa baino zerbait gehiago

Realak eta Athleticek, iazko gizonezkoen euskal derbietako bi talderik onenek elkarren aurka jokatuko dute gaur Lasesarren, Liga hasi aurretik izango duten azken froga garrantzitsuan. Iaz Osasunak irabazi zuen lehiaketa, Realari Irunen 3-1 irabazita.

Iaz Osasunak eta Realak jokatu zuten finala Irungo Gal estadioan. Gorritxoak 3-1 nagusitu ziren.
Iaz Osasunak eta Realak jokatu zuten finala Irungo Gal estadioan. Gorritxoak 3-1 nagusitu ziren. (Jagoba MANTEROLA FOKU)

Abuztu hasieran egonagatik, Realaren eta Athleticen arteko partidak beti dira bereziak, zeresanik ez tartean txapel bat baldin badago eta iazko euskal derbietako bi talderik onenek elkarren aurka jokatuz ematen badute amaitutzat denboraldiaurrea, nahiz eta Valverderenek bihar goizean ere izango duten beste partida bat, kasu honetan Alavesen aurka Lezaman. Imanolenek gaur bertan izango dute Eibarren aurkako beste adiskidantzazko bat, baina pentsatzekoa da bai batzuek eta bai besteek Lasesarreko (20.45 ETB1) dema erabiliko dutela Liga hasierara begirako azken test nagusia egiteko. Eta Ligari moral kolpe batekin ekiteko, ahal dela.

Emaitzak gorabehera, bi taldeek itxura on xamarra utzi zuten Ingalaterrako Premierreko bi talderen aurka jokatutako azken partidetan -Realak 2-1 irabazi zion Bournemouthi eta zuri-gorriek 2-1 galdu zuten Newcastleren aurka- eta Liga hasierarako euren hamaikakoak fintzen joango dira Imanol eta Valverde.

ARAZO FISIKOAK.

Kirol alorrari dagokionez, Oriokoak zenbait berri on eta txar bat jaso ditu aste honetan. Gaurko bi partidetarako ezin izango du Martin Zubimendi zelairatu eta donostiarrak Cadizen aurkako lehen partida ere gal dezake aurreko larunbateko partidan izandako lesio txiki baten erruz. Ingalaterran jokatzerik izan ez zuten David Silva eta Isak erabat osatu dira eta Athleticen aurka minutuak izateko moduan dira, nahiz eta lehentasuna txapelketa ofiziala hasteko moduan izatea izango den. Zazpi hilabete jokatu gabe eman ostean aurreko astean lehen minutuak jokatuta, Ander Barrenetxeari ere primeran etorriko zaio halako mailako partida batean minutuak izatea erritmoa berreskuratzeko. Antzerako zerbait gertatzen zaio Carlos Fernandezi ere.

Valverderen zalantzak, aldiz, atzealdean pilatzen dira, atetik hasita. Unai Simon eta Julen Agirrezabala gabe, badirudi Iru izan daitekeela atezaina eta Iñigo Martinez eta Mikel Balenziaga ere ez daude jokatzeko moduan. Hortik aurrera, posible da oso Valverdek St James’Parken erabilitakoaren antzeko hamaikakoa zelairatzea, hori bai, Yuri berreskuratuta.

Doble test para cerrar la pretemporada

Osasuna cerrará su pretemporada este viernes con una doble cita, ante el Burgos -a las 11.00 en Tajonar- y ante el Mirandés -Anduva 19.00- con la que dará por cerrada la pretemporada antes de recibir al Sevilla el próximo viernes en El Sadar.

El equipo realizó ayer un exigente entrenamiento en el que la novedad fue la vuelta de Róber Ibáñez, un futbolista que llevaba varias semanas entrenando individualmente y que lo más seguro es que salga del club navarro durante este mercado veraniego. Aitor Fernández y Budimir continuaron realizando trabajo individual, mientras que Rubén García se ejercitó con menor carga de trabajo. Por su parte, Kike Saverio continúa con su proceso de recuperación. Osasuna cuenta con casi todas sus piezas disponibles para cerrar una pretemporada que comenzó el 8 de julio, en plenos Sanfermines.GARA