Araucaria angustifolia izeneko zuhaitzek dinosauroak ezagutu zituzten. Brasilgo hegoaldean 200.000 kilometro karratuko azaleran hedatzera iritsi ziren. Hegazti eta ugaztunak oinarrizko elikagaiz hornitzeaz gain, hango herriek mendeetan zehar elikadura, sendagaiak eta esanahi espirituala aurkitu dituzte arbola horrengan. Egun, desagertzeko arriskuan dago, eta 1.600 hiztun inguruko hizkuntza propioa duen xokleng-laklãnõ tribua milaka landatzen ari da, zuhaitzarekin batera, hari oso lotuta jarraitzen duen kultura ere desagertuko delakoan.