Neoliberalismoak historikoki harreman ona izan du faxismoarekin. Franco eta Pinochet, esate baterako, AEBen eta Britainia Handiaren aliatuak izan ziren. Are gehiago, Pinochet eta Thatcher lagunak izan ziren. Garaiotan ultraeskuina, XX. mendeko faxismoaren oinordeko politikoa, Europan indar handia hartzen ari da eta, ezker antifaxista indartsu baten faltan, gobernatzera iritsi eta normalizatzen ari da. Neoliberalismoak ez baitu arazorik ultraeskuinarekin politika ekonomiko «egokiak» aplikatu eta eskatzen zaion rol geopolitikoa betetzen duen bitartean.