Dantza garaikidea, street jazza, neoklasikoa, urbanoa... dantza estilo guztiek tokia dute Dantza Kalean egitasmoan. Dantzaren Egunaren karietara, Donostiako Alderdi Ederreko lorategiak hartu zituzten atzo, 13 dantza eskolatako 281 dantzari bikainek gorputza mugitzeaz zerbait badakitela erakusteko. Igandearekin, Kontxako barandako barra klasikoak hartuko dio lekukoa 11.00etatik aurrera. Gipuzkoako eta Bizkaiko ia 1.500 ballet ikasle izango dira pasealekuan. Billy Elliotek bezala, bakoitzak aurki (edo sor) beza bere estiloa.