«Herri txiki baten sortu nintzen» dio Gorka Urbizuk “Bakan (I)” EP-eko kanta batean. Herri txikien gertutasunarekin berotu zuen Urbizuk berak Bilboko Kale Nagusia, kale ikonikoa “hartu” baitzuen atzo arratsaldean, ohikoa ez den formatu batean -bandarekin, kalean eta doan-, Euskaraldian BBK aretoak antolatutako egitarauari hasiera eman zionean. Atzo iragarri zuenez, gainera, azaroaren 8an Baluarten emango duen kontzertuari bigarren data gehitu dio: azaroaren 7a. Eta «amets bat» bete du: hurrengo EP-a Londresko Abby Road historikoan grabatuko du.