Turkiako Küllüoban, duela 5.000 urteko ogi bat aurkitu dute arkeologoek, olata formakoa, dilista haziekin eta farro irinez -gari barietate zahar bat- egindakoa. Adituek uste dute erritu batekin lotuta zegoela. Ogia Eskişehirgo museoan dago, eta udal okindegi batek haren errezeta berregin du Kavilca gari, bulgur eta dilistekin. Udalak garia berriz landatzea bultzatu nahi du, ur eskasiari aurre egiteko. Ogi hau gluten gutxikoa da, eta kontserbagarririk gabea. Lehen egunean 300 saldu ziren. Udalak ondare hau babestu eta belaunaldiz belaunaldi transmititu nahi du.