Pluma, Morla eta Laida izeneko Caretta caretta espezieko itsas dortokak berriz ere itsasoan dira, Donostiako Aquariumean sendatu ondoren. EHUko Plentziako Itsas Estazioak oskoletan itsatsitako GPS gailuak daramatzate hirurek, ikertzaileek hemendik aurrera migrazio bideei jarraitu ahal izateko. Udaberrian iritsi ziren Aquariumera eta bertan tratatu zituzten. Orain berriro itsasoan direla, Guillermo Lopez Torrents arduratuko da satelite bidezko transmisioko gailuak dituzten itsas dortoka horien segimendua egiteaz, EHUko doktoretza ikerketa baten parte gisa.