Donostiako Zero Pobrezia plataformak salatu du eskuin muturraren gorakadak giza eskubideak eta demokrazia «itotzen» dituela. Atzo, urriak 17, Pobrezia Desagerrarazteko Egunean, Trump, Netanyahu eta Abascalen irudiak bota zituzten portuko uretara, gorroto diskurtsoen arriskua salatzeko. Plataformak proposatzen du herritarrei halako diskurtsoez informatzea eta informazio faltsuak detektatzeko tresnak eskaintzea, eta erakundeei dei egin diete eskuin muturreko mugimenduak isolatzera, «aurrera egin ez dezaten».