Heldu edo gazte izan, San Silvestre Donostiarrak urtea korrika agurtzeko modua emango du aurten ere: 14.00etan abiatuko da Easo plazatik. Ez da edonolako edizioa aurtengoa, 40.a du-eta. 5.500 lagunek eman dute izena eta dortsalak agorturik dira, baina berrikuntza modura, beste 500 jarriko dituzte salgai hilaren 21ean, 10.00etan. Dortsalak lasterketaren bezperan, hilaren 30ean, jaso beharko dira Amara kaleko frontoian, 10.00etatik 20.00etara. GARAk eta antolatzaileek hitzarmena sinatu zuten, eta lasterka mozorrotuta egiteko gonbita luzatu, nola ez.