Urtero bezala, eta dagoeneko 87 edizio dira, hotzari mihia atera eta Leman lakura salto egin zuten igerilariek Coupe de Noël delakoan. Gabonetako Kopa 1934. urtean ospatu zen lehendabiziko aldiz, eta atzo 4.200 lagun bildu zituen, bederatzi graduko tenperaturara iristen ez diren uretan. 120 metroko lasterketa hau ur hotzetan mundu osoan egiten den jendetsuena da, eta bada serio hartzen duenik. Bere kalte, hotza pasa eta galtzeko bada, hotza pasa baina ongi pasatzea aukeratzen baitu gehiengoak, ondoko argazkian ikus daitekeenez.