Michel Franco zinemagile mexikarraren film berriak ezinezko maitasun bati buruzko istorioa kontatzen du: emakume aberats baten eta Mexikoko ballet dantzari gazte baten artekoa. Harremana korapilatu egingo da gazteak, AEBra joateko, muga zeharkatzen duenean, Jenniferrek bere ametsak betetzen lagunduko diolakoan.

Protagonisten azalean Jessica Chastain eta Isaac Hernandez dantzari mexikarra sartuko dira. Fernandok nazioarteko aintzatespena eta Estatu Batuetan bizitza berri bat eraikitzea ditu amets. Jennifer maitaleak, goi klaseko emakume aberatsak, lagunduko diolakoan, dena atzean uztea erabakiko du. Baina emakumeak edozer egingo du berak eraikitako bizimodua babesteko. Handinahiak eta maitasunak errealitate gogorrarekin talka egiten dutenean, Fernandok bere harremanaren benetako izaerari aurre egin beharko dio.

Desira eta mendekotasun emozionala eskutik helduta doaz istorioan zehar, eta Francok intimitate hori baliatuko du bi pertsonaien arteko botere desorekak aztertzeko. Drama emozional bizi eta aztoragarria da, botere harremanak, anbizioa eta mendekotasun afektiboa jorratzen dituena.