«Dragoi Bola» telesaila euskaraz ikusi zutenek bikoizketa hori bereziki kuttuna dute. Maiatzaren 30, 31 eta ekainaren 1ean estreinatuko duten «Dragon Ball Z: Battle of God» animaziozko film luzea ere euskaratu du Zineuskadik, eta Xebe Atenciaren (Goku) eta Felix Arkarazoren (Vegeta) ahots ezagunak entzun ahal izango ditugu berriro askoren haurtzaroko heroien ahotan. Bills hondamendiaren jainkoa esnatu egingo da eta Gokuk, Vegetak, Gohanek eta beste gerlariek aurre egingo diote mundua suntsitu ez dezan.