Pailazoak gogoko dituztenen topaleku bilakatuko da maiatzaren 8an, 9an eta 10ean Zorrotza, gaurtik hasita bertan ospatuko baita Zorrotza Clown bosgarren edizioa. Monda Lironda Pailazoak eta Salitre Teatro euskal antzerki taldeak, Dudu and Cía. talde katalana, Magia Flamenca andaluziarra eta Adrian Schvarzstein argentinarra dira 18.00etatik 19.30era eskainiko diren 40 eta 60 minutu arteko bost ikuskizunetako protagonistak. Lehenengo emanaldia Zorrotzako liburutegian egingo da, eta gainerakoak, berriz, Ferial-en.