Deustuko andreen aurreskua 1999. urtez geroztik urtero egiten da Deustuko Done Petri Plazan martxoaren 19an. Duela hamarkada asko galdutako tradizioa berreskuratu zen urte horretan. Eta aurten, berreskurapen horren 20. urteurrena ospatzeko, Bihotz Alai Folklore Taldeak aurresku honen inguruko liburu bat argitaratu du.
Liburuak hiru atal nagusi ditu. Lehenengoan, andreen aurreskuaren historiari buruzkoa da. Bertan, aurretik beste hainbat idazlek argitaratutako testuetan baliatzen dira, gehien bat Iñaki Irigoienek egin berri duen batean.
Bigarren atala dantzaren sorkuntzari buruzkoa da. Bertan, musika eta koreografiaren deskribapen bat egiten da. 1999an aurreskua berriro egiteko nondik abiatu ziren kontatzen da ere atal honetan.
Hirugarren atalean azken hogei urteetan aurreskua dantzatu duten emakumeen testigantzak jasotzen dira. Bertan, hainbat dantzari haien testua idatzi dute dantzatzerakoan sentitu dutena islatuz.
Azkenik, eranskinen atalean, partiturak, kartelak eta argazkiak agertzen dira.
Liburua martxoaren 19an egongo da salgai Deustuko Done Petri Plazan 15 eurotara. Udal korporazioaren kalejira plazara heltzean, ikurriñaren igoera egingo da eta 13.00etan Deustuko andreek aurreskua dantzatuko dute. Aurreskulari eta antzeskulariak duela 20 urte dantzatu zutenak izango dira. Azken urteetako argazki erakusketa bat egongo da ere bai.
Más del audio de Intxaurrondo: «A Lasa y Zabala les hicimos hacer los agujeros»
Seguridad confirma una investigación de la Ertzaintza sobre Miren Larrion
«Se les ha ido la mano», el audio sobre la muerte de Zabalza que desatendió el juzgado
Dimite Miren Larrion, portavoz de EH Bildu en el Ayuntamiento de Gasteiz
Larrion asume un error personal y está dispuesta a colaborar con la investigación
Saltoki handiek ez dietela behar bezala ordaintzen salatu dute laborariek Baionan
Scorsese: «El término 'contenido' aglutina por igual a filmes de David Lean y vídeos de gatos»
Bere buruaz beste egiteari idatzitako kanta alaia, hori ere posible da
