Marijaiak eta zirkuko zenbait malabarista, pailazo eta akrobatak Basurtuko Ospitalean dauden haurrei bisita egin diete asteazken goiz honetan, Aste Nagusia dela eta.
Ekitaldian, aipatutakoekin batera, Itziar Lazkano pregoilaria eta Iratxe Palacios txupinera egon dira. Juan Mari Aburto alkatea, Itziar Urtasun Jaietako zinegotzi eta Jaietako Batzorde Mistoko presidentea eta Bilboko Udaleko nahiz Jai Batzorde Mistoko beste ordezkari batzuk izan dira bertan.
«Honen mezua da Bilbon eta Aste Nagusian egiten den umeei zuzendutako guztia sekulakoa dela, aparta. Txikigunea, Balearen Desfilea eta Basurtuko Ospitaleko ekitaldia, esaterako», adierazi du alkateak.
Hala ere, alkateak dio ospitaleko bisita dena bereziena, «gaixorik dauden umeei zuzenduta dagoelako, beraiek ere jaiez goza dezaten». «Ezin badira Aste Nagusira joan, Aste Nagusia etorriko da eurengana», azpimarratu du.
Langileen protesta
Langileek aldarrikapenerako ere aprobetxatu dute agintariek eginiko bisita, Basurtuko bihotz kirurgia mantendu dadila exijitzeko.
Izan ere, ELAk pasa den hilean salatu zuenez, Osakidetzak «behin betiko bihurtu du Basurtuko Ospitaleko Bihotzeko Kirurgiako blokea Gurutzetako Ospitalera eramateko erabakia, hemendik aurrera zerbitzu bakar batean zentralizatuz».
Horren aurka agertu dira, langileak, sindikatuak eta herritarrak, Basurto Bizirik plataformaren bitartez.
Borroka herritarrak abiatzera deitu dute Barbadok eta Zelaiak, herri burujabea eraikitzeko
Dos heridos graves tras sufrir el ataque de un jabalí en el nacedero de Arteta, en Ollaran
Ranking de alternativas al aceite de oliva, de más saludable a menos
Dos hombres atacan a Puente, portavoz de Sánchez en la investidura, en Valladolid y Madrid
Elkartasun uholdea Galder Barbado eta Aitor Zelaiaren atxiloketa salatzeko
Borroka herritarrak abiatzera deitu dute Barbadok eta Zelaiak, herri burujabea eraikitzeko
Suecia ya siente los desafíos de una sociedad sin dinero en efectivo
Esperanza y sensacionalismo orbitan el exoplaneta K2-18 b
