Israelgo Armadak gutxienez 602 ume hil ditu abuztuan Gazan, hau da, batez beste 20 egunean, bertako Osasun Ministerioak zabaldutako datuen arabera. Zifra hauen baitan ez daude igandean hil zituztenak.
Ume horietako batzuk dira Kuwari neba-arrebak; beren gurasoekin batera hil zituzten babesleku zuten kanpin dendan, abuztuaren 26an, Jan Yunisen, Gaza hegoaldean.
Maria ere hil dute, 9 urterekin, baita 7 urteko Moath eta bere 4 urteko Motaz anaia ere; hirurak gurasoekin batera zeuden Al Shati errefuxiatu esparruko kanpin denda batean abuztuaren 20an, Gaza hiriaren mendebaldean.
Abuztu osoan israeldar erasoek 2.500 pertsona hil dituzte Gazako Zerrendan: 1.700 gizon, 602 ume, 187 emakume eta 77 adineko pertsona.
19.242 ume hil dituzte Gazan
23 hilabetez luzatzen ari den azken ofentsiba honetan, Israelek, batez beste, 91 pertsona hil ditu egunean, 28 adin txikiko. Gazako Osasun Ministerioak adierazi duenez, «umeen hilketak joera dira».
2023ko urritik 19.200 haur baino gehiago hil dituzte Gazan. Zifra horiek ez dituzte barne hartzen Israelen blokeoaren ondorioz gosez hil direnak.
Genozidioan adituak, GKEak eta nazioarteko erakundeak bat datoz: Israel genozidioa egiten ari da Gazan eta ezinezko egin du bertan bizitzea, azpiegituren suntsitze sistematikoa, ur edangarriaren eskasia eta elikagai falta tarteko.
La Global Sumud Flotilla zarpa desde Barcelona para romper el bloqueo israelí de Gaza
Israel necesita más soldados, y ahora los busca en internet
Yala eta BDZ Nafarroak bat egin dute ‘Genozidiorik gabeko kirola’ protestekin
Arranque de olivos, otra forma de castigo israelí sobre la población palestina
‘La Revuelta’ astindu du Zetak-en ikuskizunak... eta Euskararen Nazioarteko Egunean
Desalojado el instituto de Martutene, el Ayuntamiento solo realoja a la mitad en La Sirena
Solicitan inhabilitación y prisión para los policías acusados de agredir a un menor en Gasteiz
Euskal Herriko Osborneren azken zezena lurrera bota du Ernaik
