Papera tolestuz eginak dauden eskultura harrigarri hauek Tokiotik datoz. Etxeko sukaldean soilik paperezko itsasontzi eta hegazkinak egitera iritsi ginenok, txundituta uzteko modukoak. Origami edo papiroflexia teknika Marco Polok ekarri zuen Mendebaldera XIII. mendean. Artelana eta zientzia da aldi berean, geometria eta pazientzia den bezalaxe. Harriduraren atzean, geometriaren mundu infinitua ireki du origamiak, eta bere aplikazioak eremu desberdinetara zabaldu dira. Moda diseinatzaileek beren sorkuntzetan sartu dute, arkitekturako proiektuetan erabili ohi dira haren printzipioak eta, duela denbora gutxi, origami adituak kontratatu ditu NASAk ezkutu espaziala diseinatzeko.

Askotan, gauza sinpleenetan oinarritzen baitira asmakizun sofistikatuenak.