Donibane Lohizuneko SLTP enpresa eraikuntzako hondakinak ilegalki uzteagatik epaitu zuten asteartean Baionan. Senpere, Bidarte eta Biriatuko lurretan kutsadura ere sortu duten eraikinetako hondarrak gune berezituetatik kanpo uzteagatik 50.000 euroko isuna eskatu du prokuradoreak. Erabakia martxoaren 7an emanen da ezagutzera.

CADE ingurumenaren aldeko kolektiboak urteak daramatza Ipar Euskal Herrian «ohikoa» den enpresen jokamolde hau salatzen, eta epaiketan akusazio partikular gisa aurkeztu da. Salaketa honen bitartez botere publikoek gaia esku artean hartzeagatik poza agertu du kolektiboko Victor Pachonek. Eta Euskal Elkargoaren abiatzearekin egoera kudeatzeko baliabide publikoak ezarriko direla espero dute.