Moskuko sinbolo nagusia da, seguru asko Errusiakoa ere bai. Plaza Gorria, zein baino zein ederragoak diren eraikinez betea, eta hantxe dago munduko ikono erretratatuenetariko eta famatuenetarikoa den San Basilio Katedrala. Gorriak pasioak aztoratzen ditu eta begiradak erakartzen ditu. Plaza Gorria zuriz janzten denean, ordea, ametsak esnatzen ditu. Ez dirudi mundu honetakoa, haragokoa da, ametsen erresumakoa. Hori daukalako zuriak, ametsak amets egitea, beste erliebe eta eskala bat eskaintzea. Horregatik, beti zuria, soilik zuria, ametsetarako.