Antigua auzoko Gorgatxo plazan azaldu da berriz Mikel Laboaren oroimenez egindako murala. Aurrekoan bezala artista ezezagun batek burutu du auzotarrek biziki maite zuten lanaren bertsio berria.

Duela aste eta erdi ezabaturik azaldu zen mural hau, Oteiza gogoratzen zuena bezala. Antiguako auzotarrek lehen momentutik beraien haserrea plazaratu zuten. Ondorioz, Donostiako alkate Eneko Goiak margoa berriro jarriko zela adierazi zuen.

Halere, margoa bertan badago ere, herritar ezezagun baten lanari esker izan da. Lehen bezala.