Amagoia Bilbao

Txerri solomotxoa errege sagarrarekin

GETTY IMAGES
GETTY IMAGES (GETTY IMAGES)

Osagaiak 4 lagunentzat
800 g txerri solomotxo, tipula bat, 2 tipulina, 4 errege sagar, 250 ml salda, 100 ml ardo zuri, koñaka, olioa, gatza, piperbeltz beltza. Hornidura: 3 patata, tipula bat, 2 errege sagar, 100 ml esne-gain, koilarakada bat gurin, gatza, piperbetz beltza.

Zailtasuna                        3              

1. Solomotxoa zabaldu, liburuaren itxura ematen. Gatza eta piperbeltz beltza bota.
2. Zuritu 2 sagar eta dado txikitan moztu.
3. Txikitutako tipulinak olio pixka batekin erregosi.
4. Sagarra gehitu eta arin erregosi.
5. Solomotxoa sagarrarekin bete, bildu eta kordel batekin lotu. Zartagin batean olio pixka batekin gorritu.
6. Tipula eta geratzen diren sagarrak zuritu eta dadotan moztu.
7. Azpil batean aurreko barazkiak eta solomoa jarri eta salda eta ardoarekin busti. Labe beroan sartu, 200 gradutan, 30-35 minutuz.
8. Solomotxoa atera eta xerratan moztu. Azpileko barazkiak eta salda iragazi eta gainetik bota.
Hornidura honekin lagundu:
1. Patatak eta tipula zuritu eta zerrendatan moztu. Urarekin estali eta 3 minutuz egosi. Xukatu.
2. Sagarrak zuritu eta zerrenda finetan moztu.
3. Azpil bat gurinez igurtzi. Hurrenez hurren patata, tipula eta sagarra jarri. Papatekin bukatu.
4. Esne-gaina eta gurina nahasi eta behar adina gatz eta piperbeltz beltz bota. Barazkien gainetik bota.
5. Labe beroan sartu, 180 gradutan, 35-40 minutuz.