Arabako hamasei bertsolarik hartu dute parte oholtzarik gabeko lau saioetan. Publikoa izango da epaile eta saio bakoitzean bozkatuena dena sailkatuko da finalerako. Finalean ez da epaituko, ez irabazlerik izendatuko. Jardunaldiak apirilaren 8an Ozaetan hasiko dira eta 15ean Murgian, 22an Agurainen, eta maiatzaren 6an Amurrion egingo dira gainerakoak. Finala maiatzaren 13an izango da Legution. Saioak 20.30etik aurrera izango dira.