Elizondo jatetxeko ikurretako bat brasan egindako platerak badira ere, ahogozoa eragiten duten beste aukerak ere baditu bere kartan. Horietako bat orburu, foie eta txekor buztan hostopila da. Egositako haragiaren salda gainean eta porru kurruskaria buruan, emaitza itxuroso bezain atsegingarria da.

Prestaketa

• Orburuan garbitu eta egosi.

• Tipula, azenarioa eta baratxuria arin frijitu.

• Barazkiei gehitu orburuak eta salteatu.

• Olio berotan zatitutako haragia doratu.

• Haragiak kolorea hartzen duenean tipula, azenarioa eta baratxuria gehitu.

• Ardo gorria, ura edo salda gehitu eta haragia bigundu arte egosi.

• Haragia zatitu eta barazkiekin salda egin.

Aurkezpena

• Platerean gisatuaren saltsa jarri.

• Uztai bat erabilita osagaiak tartekatuz geruzak sortzen joan: alkatxofak, foiea, haragi papurtua.

• Azken geruzan foiea jarri eta sopletearekin bero kolpe bat eman.

• Apaingarri porru kurruskari bat jar daiteke hostopilaren gainean. Porruaren zati zuria juliana fin-finean moztu eta frijituta.