LAB eta ESK sindikatuek atzo iragarri zutenez, Orozkoko Madres Mercedarias enpresako langileek akordioa lortu dute «itxiera saihesteko eta langile guztien enpleguari eustea bermatzeko». Egoitzako 43 langileek mobilizazio ugari eta 32 greba egun egin dituzte. Sindikatuen ustez, «Madres Mercedariasen borrokak agerian uzten du bestelako zaintza-sistema bat behar dela. Orozkoko langileak langile publikoak dira. Hala ere, Bizkaiko Foru Aldundiak behin eta berriz zaintza-lanen pribatizazioa ezartzen du».