Lau urteko etenaren ostean, txupinazoa nork botako duen hautatu ahalko dute iruindarrek berriz. Maiatzaren 6tik 19ra arteko epea izango da hautagaitzak aurkezteko. Horien guztien artetik bost hautatuko dira maiatzaren 22an, eta horietako baten alde bozkatu beharko dute herritarrek maiatzaren 27tik ekainaren 9ra bitartean. Iruñeko Udalak 2015-2019 legegintzaldian jarri zuen martxan prozedura parte-hartzaile hau; UPNk, aldiz, alkatetza eskuratu zuenean ekimen hori baztertu eta erabakia alkatearen esku utzi zuen berriz.