Auzokide eta erabiltzaileak kexatu ostean, Artxandarako E5 autobusaren maiztasuna handitu zuten atzo. Autobusak funikularraren zerbitzua ordezten du, azken hau abendu hasieran bertan behera gelditu baitzen luizi baten ondorioz. Atzo goizetik, 45 minutuero abiatzen da, 30 minutuero arratsaldez, eta asteburuetan eta jaiegunetan maiztasun hori mantenduko da. Funikularraren zerbitzua martxan jartzeko egunik ez dute zehaztu eta trenbideetatik gertu dauden ezpondak egonkortzeko lanek aurrera jarraitzen dute.