Iragan berri den asteburuan Lapurdi, Gipuzkoa eta Nafarroan izan diren suteen biharamunean garrek suntsitutako parajeei erreparatu diegu, eta irudiak latzak dira. Ibardin, Larhun edo Lesakan hartutakoak dira argazki bilduma honetan bildu ditugunak.
Orotara 2.000 bat hektarea kiskali ditu azken urteetan Bidasoa aldean ezagututako suterik handienak. Horietako kasik 1.000 Nafarroan, bereziki Lesakan eta Beran; 750-800 Biriatu eta Azkaine artean; eta bertze 400 Irun aldean. Azken garrak igande gauerdian itzali zituzten, profesionalen eta boluntarioen asteburu osoko ahaleginari esker, nahi orduko ailegatu ez zen euriaren laguntzarekin.
Berako abeltzain batek honelaxe laburbildu zion NAIZi bere aurrean zeukan panorama: «Honek basamortua dirudi, edo Marte. Negar egiteko gogoa ematen du».
Landaredia kaltetzeaz gain, suak azienda aunitz hil zituen: behi, ardi, ahuntz, behor zein pottoka… denetarik. Pinudiak deusetarako balio ez dutela gelditu dira, bertako basoa da erre den gehiena eta galera handia da ondare naturalarentzat. Bizilagun ugari beren etxeetatik atera behar izan zituzten, baina zorionez ez zen inor zauritu, nahiz eta uneren batean horren beldur ere izan ziren.
Triskantza handia eragin du suak, eta mendia pobretu egin da
Sutearekin lotuta «zerbait susmagarria ikusi» zutenei kontatzeko dei egin die Berako Udalak
Bera eta Lesakan 770 hektarea erre dira eta kaltea ezberdina da landarearen arabera
Beratik heldutakoaz gain beste lau puntutan piztu zen sua Lapurdin
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
