Today’s forecast

Hodeitsuago, baina amorrurik gabe

Berriro ere hodei dezenterekin hasiko da eguna lurralde osoan, eta, bereziki, barnealdean, baina goizean nahiko giro lasaia izatea espero da. Arratsaldean, berriz, fronte ahul bat gerturatuko da eta barnealdean euri pixka bat utziko du. Ezer gutxi, hala ere. Azken orduetan pixkanaka zerua irekitzen joango da eta ostarte zabalak nagusituko dira. Haizeak goizean aldakor joko du, eta arratsaldean iparraldetik finkatuko da. Tenperaturek gora egingo dute.

Tomorrow

Hodei baxu batzuk eta goi mailako hodei fin batzuk ostarte zabalekin tartekatuz hasiko da eguna: giro ederra lurralde osoan. Arratsaldean ere antzeko joera errepikatuko da eta giroa ederra eta atsegina izango da. Gau aldera hodei baxuak ugarituko dira ipar partean, baina inolako ondoriorik ekarri gabe. Hego-ekialdeko haizea. Tenperaturak gora, eta jada bero puntu bat barnealdean.