
Lakuako Gobernuak eta Nafarroakoak lantaldea osatzea adostu dute, EiTBren TDT bidezko emisioaren aferari konponbidea bilatzeko, Efe agentziak EAEko Exekutiboaren iturriak aipatuz zabaldu duenez.
EiTBk atzo jakinarazi zuen Nafarroan duen sare analogikoa digitalizatzeko prozesuari ekingo ziola, eta UPNren Gobernua berehala atera zen hori «legez kanpo muturra sartzea» zela esanez. Yolanda Barcina presidenteak ere erabaki hori «legez kanpokoa» dela berretsi du, eta Iñigo Urkullu lehendakariak, berriz, nafarrek edozein telebista kate bai baina ETB ez ikusi ahal izatea ez dela «oso ulergarria» adierazi du.
Adierazpen horien ondorioz etorri da lantaldearen osaketaren berria, Lakuako iturrien arabera. EiTB Nafarroan TDT bidez emititu ahal izateko «lehenbailehen akordioa lortzea» da Urkulluren Gobernuaren nahia.
Digitalizazio prozesua bertan behera
UPNren Gobernuak, berriz, oharra kaleratu du eta bertan dioenez Urkulluk Barcinari iragarri dio sare analogikoaren digitalizazio prozesua bertan behera utzi duela. Agirian dioenez, Lakuako lehendakariak onartu du EiTBko zuzendariak bere erabakiaren berri emateko Barcinari igorri zion gutuna ez zela «behar bada egokia».
Lantaldea «legezko konponbidea» lortzeko osatu dute UPNren arabera.

Infiltrados, una historia larga y sangrienta en Euskal Herria

Piden seis años a un ertzaina por prometer ayuda a cambio de droga a un detenido por traficante

La iglesia del 3 de Marzo, declarada Lugar de Memoria, hace agua

Costas desbloquea la compra de los cuarteles de Loiola al aceptar los 20 metros de deslinde
